Гьуьл к1анда заз зи к1анидан вилер хьтин,
Гьуьл к1анда заз п1узардаллай пак хъвер хьтин,
Гьуьл к1анда заз ярдин к1вачин гелер хьтин,
Ча заз, дустар, гьуьл к1анда заз.
Муьгуьббатдин мест ийидай ахвар хьтин,
Мекер цава къугъурзавай шагьвар хьтин
Гьуьл гъваш, дустар, гьуьл к1анда заз.
Гъваш а гьуьл заз, гьуьл к1анда заз!
Зи дамарра ивидик сел акатдайвал,
Зи к1анивал ирид цавуз акъатдайвал,
Руьгь къакъатна ярдин руьгьдик какахьдайвал
Лепе алай гьуьл к1анда заз.
Секин тахьуй, етим тахьуй зун хьиз а гьуьл,
Ялав кьуна кудайвал хьуй ада гуьгьуьл
Ц1аяр галай гьуьл к1анда заз!
Гъваш а гьуьл заз, гьуьл к1анда заз!
Зи хиялар - михьи булах авахьзава
Зи мурадрин ч1ехи гьуьлуьк какахьзава.
Гьуьл к1анда заз!