Ахъая дак1ар

АХЪАЯ ДАК1АР
Ахъая дак1ар, гар атурай, къайи гар,
Рик1ин къенез ц1ийи нефес атурай,
Зи дуьнядиз ц1ийи гьевес хтурай.
Ахъая дак1ар, хар атурай, къайи хар
Зи квахьнавай муьгьуьббатдин гелериз.
Мелгьем хьурай ашкъди кайи херериз.
Ахъая дак1ар, минет хьуй квез, ахъая!

Ахъая дак1ар, марфадин кул атурай,
Зи к1валин къен зар ст1алрив ац1урай,
Буьркьуь рик1из цаварин экв хтурай.
Ахъая дак1ар, зи чандихъ фул куткурай.
Са зурзунрив ярди гайи азаб, гъам
Алударна зани вегьин ц1ийи кам.
Ахъая дак1ар, минет хьуй квез, ахъая!

Ахъая дак1ар, к1вализ цавар атурай.
Циф галат1ан, йиф галат1ан атурай.
Муьгьуьббатдин ахвар залай гахчурай
Зи тек уьмуьд галамайди дак1ар я,
Ахъая дак1ар, минет хьуй квез, ахъая!