МЁЧЮЛАНЫ КЯЗИМГЕ
Таулу поэтлени шайыр устазы
Кязим хажи эди – сёзню устасы.
Анга тенг а закий болмаз дунияда,
Саугъа эди ол битеу малкъар халкъгъа.
Болмаз эди Кязимден ариу сёзлю,
Болмаз эди Кязимден керти сёзлю
Аны сёзюн биз байракъ этип турдукъ,
Айтхан затын къолубуз бла тутдукъ.
Энтта бизни бла жашап тургъан сен –
Ёлсенг, кетсенг да, сау болурса, эсен.
Жашарыкъса кёп жылланы жюрекде,
Къойгъан сёзюнг акъыл бере, юйрете.
Адабиятыбызгъа мурдор салгъанса,
Нёгерликге игилени алгъанса,
Кязим хажи, – миллет ючюн кюрешген
Иги сёзню тёгерекге юлешген.
Байтугъанланы Исмаил