Нэмыплъ изохыр щхьэхуимытым,
Зи гъащ1эр 1ейм хуэунэт1ам,
Зи хьэл 1уэнт1ар зыхуэмыубыдым,
Гупсысэ ф1ейхэм щ1игъэнам.
Пэ1эщ1э схуэхъу щ1эныгъэм 1элу
Псэемыблэжу бий хуэхъуа,
Тхьэшхуэм къыдбгъэдилъхьа акъылыр
Дуней хэк1уадэ зыгъэхъуа.
Сэламу щы1эм я нэхъ гуапэр
Зи гущ1эр нэхум хузогъэхь.
Зыхъумэжахэри я напэр,
Хъуапсап1э ф1ейхэм димыхьэх.
Гупсысэ къабзэхэри гъащ1эм
Мыхьэнэ дахэу хэзылъхьа,
Ныбжьэгъу, ди Тхьэм дызэ1уигъащ1эм,
Дунейр купщ1эншэу дымыхьа!
23.12.2015.