АБАЙИН ГАФАР АДМИЙИЗ
Буш кас ижми ишри,
Заан уьмриъ лик ивуз!
Ижми кас буш ишри,
Марцци ширинвал бисуз!
***
Лизибдиз лизиб к1ури шулин,
Эгер гъалмагъал диди хуруш?
Яв улариз рябкъруб саб вуш,
Йиз улариъ айиб жараб дарин?
***
Ибарихъан зигуз уву к1ари вуйк1ан, Узухьна уву дарфуз?
Хябариккна гъабхурайиб аьгъяйиш, думу учв жабгъидийи.
Узут1ан увуз жара хюни аш, гъарабх ккажабгъури ккубхъуз
Хъа курк1у кьусмарин уч1вришну гъитуйк1ан увухьди хярт1 ц1абхуз?
***
Тувруб бис…
Бисруган тув…
Тувуз ужуб тув…
Тувубди тав ап1идияв ац1и.
***
«Мина гъач!»
Гьаз гъярава?
Дугъан к1ваъ фу аш аьгъяйвуз?
«Узухьна гъач!»
Гьаз гъюрадарва?
Хъа Йиз к1ваъ фу аш аьгъяйвуз?
Гъарах, хъебехъ, к1вак бис…
Гъач, хъебехъ, гьаргандиз уьбх…
Дугъу тувдивуз девлет…
Дугъан кьаст рябкъидарвуз…
Узу алдатидизавулан т1ул…
Хьидарва, я усал, я касиб…
Дугъан девлетну, яв юк1в ип1иди…
Йиз т1ули, яв юк1в девлету ап1иди!
***
Мадар, думу дар…
Даруб дарди ужу ву.
Ккундуш, лигуз, ч1вубкь.
Гъуч1вубкьуб, я хът1юбкьярва, я гат1абхьарва!
***
Аьхюриз «ваъ» гъапишра баладар,
Дугъу к1уруб ап1ури гъашиш,
Хъа «ав» дупну, дарап1иш,
Гьаз ап1дарва, увукьан яв язухъ?
***
К1ваъ аш…
Хилиъра хьибди.
К1вакк ккаш…
Ккайибдикк ккахъди.
...