Ц1ИЙИ ЙИС
Гьап1ру ц1ийи йис кьюрдун кьялаъ…
Сикинди гъидрибтди даабхнайи табиаьт?
Наънан арайиз гъафиб ву думу дициб суй?
Гъилигу гьялариан ккергъру ц1ийи ляхнар адар…
Гьавай, инсанар, фургьанди ип1инай, убхъай!
Фук1а дарап1ди, сларси, ярхи духьну дахьай!
Ц1ийи йис гьаз к1ура? Ц1ийи йис гьаз ккебгъра?
Сифтебинайианмина айи гьисабар гьаз гъюч1юргъну?
Я хьадукра, мягьсулар урзайиз ккебгъра Ц1ийи йис,
Ясана чвну, гъубзуб, гъибшуб уч ап1балан кьяляхъ
Наан вушра ва гьар заманайиъ ккебгърайиб ву таза йис,
Машквар бадали инсанариз
Ляхнарихъ хъюгъяйиз,
Ясана кьюрд бадали, юк1в архаин ап1айиз.
Ккундарзуз урсарин маллйирихъ хъпехъуз…
Ккундарзуз мусурмнарин маллйири к1уруб ап1уз…
Ккундузуз вари халкьарин аькьюл гъадабгъуз.
Ккундузуз Заанурин Гафнахъди уьмур хъап1уз.
Тина ап1инай фунуб вушра дин,
Гъадабгъай фагьум ва аькьюл!
Дин иблисди турва лихуз даккнидар ац1уз
Ва лихрудар алдатмиш ап1ури, чаз икрам ап1уз.
Фагьумна аькьюл Заанури улупурайиб ву
Дугъривална инсанвал инсанарин арайиъ хьуз,
Ширинвалина ккунивали бабна аба уьрхюз
Ва вари уьмриъ адмийи Чахъди шадвал хъап1уз.