Заз ахварай Диде шехьиз акуна.
Зи шикил гваз варар вилик ацукьна
Пуд варз хьанва Дидедиз зун такуна.
Зав ахварай Дидедин дерт галукьна.
Заз ахварай Диде шехьиз акуна
Зи т1вар кьаз "я хва" лугьуз эвериз.
Агь,ахвари рик1ел пис хер авуна
Сефилвални авудна зи вилериз.
Заз ахварай Диде шехьиз акуна
Зи шииррин "Билбил" ктаб гъилеваз.
Ада анай "Диде" шиир къачуна
Накъвар алаз к1елзавай зун рик1еваз.
Иливариз жезвач завай накъвар ви,
Шехьмир,Диде, ваз аквад зун йикъара.
Накъварикай ви,хар жезва кьилел зи
Вал кьил ч1угваз хкведа зун мукьвара.
За лугьузва, заз Дидедин накъварин
Къуй уьц1уьвал тек ахварра чир хьурай.
За лугьузва, гуьгъуьниз гьар кап1унин
Гьар веледдиз Дидедикай п1ир хьурай.