Дун рокъой гьеч1ин абун
Рак1 бакъваге хирияв
Хиялазулъ рокьигун
Рак1алдещвеял гьаре.
Вакъун вугилан абун
Къварилъуге вокьулев
Рокьи гъорлъ лъун гьабураб
Гьале квен бугин рокъоб.
Рак1 бакъван бугин абун
Асирлъуге дир дарман
Дунялалъул берцинлъи
Балагье къват1ив вахъун.
Гьале доб талих1 абун
Тохлъуге мун г1азизав
Г1адрагун т1егь хасало
Хилиплъуда релъунин.
Рес бугелъулин абун
Адаб тоге дир рокьул
Ракьалда дуе къоял
Гьелъухъ кьолин АЛЛАГЬАС.