***

Къатна за а чар,мад,кlевна за а чин,
Мугьуббат тlвар алай дафтардин,жуван.
Амач захъ,ваз къарши я ашкъи,я кин,
Кана руьхъ хьанва зи гьиссер,а чlаван.

Вун чидач-заз бес я,заз мад чир хьана,
Им ашкъи туширди-туш заз гила сир.
Шумуд йис тапардиз зун асир хьана-
За къурбан хъийидач мад амай уьмуьр.

Къерехдай чи ашкъи аквадай иер,
Навар квай шикилдиз ухшар тир михьиз.
Мугьуббат авачиз,буш тир кьван рикlер-
Лацу хъиредавай пичlи кlерец хьиз.