Аьгъя кІури вафалуди ккилигуз,
Аьгъя кІури миж сабурлуди уьбхюз,
Узу гъитну уьмрин кьялаъ ялгъузди,
Гъудургунва гъюрзакьана дарпиди.
Фуну гъулаъ, фуну шагьри агуруш
Аьгъдарди, аза микІлу гьюбхнай кІажси,
Накьси гъира аьгъдарзуз сарун гьапІруш,
Уву адру дюнья вузуз ичІибси.
Вари мяълийирра вуйиз гъи увкан,
Йиз сес увуз ебхьур пну мижра кади,
Дубгри адар кІваан мюгьюббат пашман,
Хьадукарра амдарзуз сарун гьибгъри.