( Мани )
Хабарар гваз гьар са хуьре,
Шадар ийиз лезги уьлкве,
Къуба, Ахцегь, гена Куьре
Сад авуна, лезги газет.
Припев:
Лезги чилин гуьзгуь-газет,
Лезги руьгьдиз гузвай лезет.
Лезги ч1алан пайиз суьрсет,
Гьар лезгидин я вун девлет.
К1елиз тади ая, дустар,
Чи жегьилрин аку къастар,
Ц1ийи рекье къачуз камар,
Дуст кьунава лезги газет.
Припев виликанди
Дердийризни я вун дарман,
Къанунринни я вун фарман,
Мухбирризни я вун харман,
Ц1арар гатаз, лезги газет.
Припев виликанди
Вун агъзуррин хьанва къе мез,
Гьахъ паталди акъудиз сес.
Бахт паталди женг твах серес
Лезги халкьдин, лезги газет.
Припев виликанди.