ЧIал зигьинра экIя хьанвай
Чи дидейрин баядрин ван,
Халкь паталди шем хьиз канвай
Далагь,Забит,Саядрин ван.
ЧIал несилар галкIурзавай
Мягькем пунар, сигъ авсият.
Чал дамахар алкIурзавай
Гуьмбет хьайи меденият.
ЧIал тарих я, чIал - чи сенгер,
Къайи аваз Кьулан вацIун,
Девирралди акур женгер,
Хайи халкьдин руьгьдин кьатIун.
ЧIал- булахдин саф стIалар,
РикIерай физ авахьзавай.
ЧIал са рагъ я, цIурдай тIалар,
Нур чукIуриз алахъзавай.
Квахьда халкьни-чIал квадармир,
Дидедин чIал абур я чи!
ЧIал Ватан я - какадармир,
ЧIал - чаз къалхан, гапур я чи!
20.02.2017г.