УЯХ Я ЗУН

                Яргъи, секин йиферизни
                Вучиз ят1ан уях я зун.
                Зерифа Къасумова

Яргъи, секин йиферизни
Вучиз ят1ан уях я зун.
Хур виликна циферизни
Ашкъид  рекье тек яхъ я зун.

Цавар мич1и, кьуд пад къанва
Нефес кумач гьич чилерик.
Зи хиялар галчуд хьанва
Гъед авачир и мич1ерик.

Яб акализ секинвилиз
Рик1 беденда пад жезава.
И цаварин деринвилиз
Зи рик1ин ц1ай хад жезава.

Зун тек ят1ан, зи рик1 тек туш,
Чиле,цава гьакьзавачир
Адан къене ашкъи ава
Зун кьейит1ан туькъуьндачир.

Къурбан я зун вилеризни,
Хаин ярдин киферизни,
Гъамар ч1угваз уях я зун
Яргъи, секин йиферизни.