Йифди, югъди к1валахал вун,
Элкъвезва лап са лекь хьана.
Вил галамаз тазва на зун,
Агаж хьана къайи кана.
Уьмуьр текдиз физва, ви гьак1?
Вегьиз тежез йигин камар.
Ават1ани к1вал, хизан вахъ,
Рик1ин къене- дедер, гъамар.
Секин туш вун, гьич садрани,
Я лугьузвач на ви сирер.
Т1арвал гана ви рик1из ни,
Вуч перишан я а вилер?
Къекъвезва ви чанда т1урфан,
Лугьуз тежез кайи гафар.
Я къвезвач ваз зи рик1ин ван,
Куьтягь жезмач рик1ин марфар.
Рик1е авай рагъ тир зун ви,
Экв жедалди нур гуз авай.
Мич1и йифиз ругьдайни зи,
Ширин макьам ваз ван къведай.
Вуч вафасуз уьмуьр физва,
Гъавурда чун акьан тийиз.
Вун гьамиша гуьзетзава,
Рик1 кук1вариз чук1улди хьиз.