Рик1ин къене киснава ван,
Экъвезва зи руьгьдани гар.
Вун галачиз ч1ур жезва чан,
Рик1из гзаф жезва зи т1ар.
Цуьк алачир багъдавай тар,
Вунни зун хьиз агаж хьанан?
Акъуд тежез хъуьт1уьн йикъар,
Зулум йифер , акъатиз чан.
Вучиз вун захъ элкъвезмач яр,
Гегьенш чуьллер виредава,
Рехи жезва ч1улав ч1арар,
Уьмуьр дар са гьавадава.
Накъваралди ваз кхьей чар,
Агакьнат1а кагъаз яз ваз?
Мад зи гъиляй къвезмач са кар,
Вун гьамиша рик1е аваз.
Са гаф кьванни багъиша заз,
Ви рик1икай хабар це яр.
Алахъда зун лувар кухтаз,
Акъажиз лап рик1ин къатар…