Сонет-66
За ажалдиз эверзава. Амач кьве вил килигдай,
Асил-тангъах атанвайла къекъверагдин шикилдиз.
Зар-зибада кеф ч1угвазва угъраш тирда виликдай,
Кьуьл илисна, Пак Ихтибар пузмишнава зигилди.
Гьуьрметзава лайихсуздаз беябурчивилелди,
Михьи рушан намус - гьамни маса гузва-къачузва.
Синих кутаз, Саф Гуьзелвал русвагьзава хъилелди,
Ажиз пацук Къуватдини хиве кьунва ажузвал.
Ихтиярар гъилевайда Медени Мез лалнава,
Т1уб цава кьаз, Арифдардиз тарсар гузва течирда.
Рик1 михьидаз, "ахмакь" лугьуз, экуь дуьнья салнава,
Беймирветди Къенивилин чан къачузва есирда.
Хъфидай зун, къведачирт1а чи кьилел и мусибат:
Вун, к1аниди, тек амукьда, кур жеда чи муьгьуьббат.
Пер. Пакизат Фатуллаевой.