Гъвеч1и булут яз, къайгъусуз, лацу,
Баябан цава гарув хьана зун.
Ракъинин нурар меквелди къачуз,
Йифер рекье тваз, куьк1уьз, кана зун.
Агь, къайи дагъ тир зи мурад, зи сир,
К1андай гьамиша адан хурал хьун.
Синен къаравуш, синен лал есир...
Амма цифедкай чиг жедай гатун.
Зи тахсир вуч я? Ви умун вилер...
Гъил къачузват1а, кинер ая заз.
Чигедкай булут хъхьайт1а эгер,
Алахъмир зун кьаз, алахъмир зун кьаз.