Хкведа

Гьикьван ч1ав я Яран Сувар рик1ив хуьз,
Уьмуьд гала, зи яр Яраз хкведа.
Гьикьван ч1ав я чилер, цавар вилив хуьз,
Яр зи к1вализ гатфар галаз хкведа.

Яран гарар зи винелай алахьрай,
Яман йикъар зи гъенелай алатрай,
Хьран к1валай явашдиз гум акъатрай,
Зи к1аниди афар чраз хкведа.

Чубарукдин ван ч1ередай атурай,
Чиг ацукьна ч1урарал чан хтурай,
Рекьер, мвекъер цуьк-атирдив ац1урай,
Яр бахтуниз нехиш храз хкведа.

Т1ебиатди ч1улав либас алудна
Вичин тандан къацу мехмер алук1на.
К1аниди рик1 хъуьтуьл хьана алугна
Гьижрандин мурк ц1раз-ц1раз хкведа.