ЙИЗ БУЛАГЪ
Йисаъ кьюбан кьюрдар алахьуйиз
Мижра абгъури йиз саб булагъдин.
Бай вахтра дубшну яшар духьнайиз
Ахсрар рякъюри йиз кьабивалин.
Гьисаб гъапІундарза жвуван бахтар,
Шадди айиган фагьмиз дярякъди.
Белки узухъ гъахьундаршул дурар,
КІару амсаригъян рякъ дибрихъди.
Яв кІулар ачмиш апІин, йиз Булагъ,
Гьамускьан буш каркар ккидисуза.
Дарш гьаммишан узуз вуна даягъ,
Дярябкъди зигурайиган суза.
Дюз вува, убзрава йиз карказди
ЦІаран шараб, марцци бахтар хъайи.
Амма карк‘ан удубзурайиз архназди,
Вушра ккудубк1урадар Уву имиди.
Гъубзунва, Булагъ, узуз вафалуди,
Амма узхьан йиз гъайгъу зигуз гъабхьундар…
Гьамус т1уб’ин кьацІар алахьураза аьссиди,
Амма иццру апІурадар – шяргъяр имдар… Нашди?