КЬЮБ КЬЮРД
Саб жигьатнахъан кьюрд ужуб дар.
Фицики, ихь халкьар вердиш ву
Кьюрд ттибтІри харжибдихь гьиллакар.
ГьапІрухъа, чпиз зарал каш, диш ву.
Гьадмукьан язухъ шулиз яв, кьюрд,
Хасият хъайиган узухъсиб.
Гьибгърушра уву вуйибси гъюрд
Вува гьаммишан узуз ккуниб.
Гьап1хьа ул’ан идитнайи дустари…
Уву ккундар аьхъюр ву к1ури,
Узу ккундар к1ваз манир дар к1ури
Гьамус бутарин улихь ухьу ис шулин…
Анжагъ эллериз рябкъюрадар,
Рябкъюрашра кІвак бисурадар –
Уву дайиш, кьюрд, жил аьмалназ
дурари фици ***к1ан яраб!
Дугъридан гъач гьякь арабгухьа,
Гьаз увккан, узккан ккимиди вуш…
Думукьан цІийивалар хурдархьа
ЮкІварик шак кадрудариз буш...
Аьхъювал, мерккар ва лизишин –
Пагь, кьюрд, эл деллу хьуз мигъитан!
Чвул, хьадукар, хьад ва манишин –
Гьарган карк кдатури ккунду чпикан…
УнтІаъ гьякь, унтІапІякьюнси пІакь
Нягьякьвалариз ттабтІруган чпин
Бязидариз шулаки вакьвакь…
Улар йитІуз хъюгъри халкьарин...
Лизишанна чрушан ттивруси
Дурар хъугъра алдатмиш‘валарихъ…
Хъасин чвлу бегьер тутрувубси
Ушвниъ тІуб убччвра амриз гъюрурихъ...