ГЬАРДИН ГЬАРЙИР
Ипна гьарай чрушнари…
Аьрз апІура ригъукна:
йифу кьан гъапІну кІури,
кубкьайиз апреликна.
Ч1ивишнаринра кмиди
дюн‘яйиин гьарсабдин
ихь Ригъухьна гирами
тІалаб а: гъитуб шадди.
Ригъдилан гъайри хъана
гизаф ригъар ахьуз гьа:
ватан, гъул, жям‘аьт, дада,
гьюрмат, асул, гьис – магьа.
Салам гъайибхай, нурар,
разишнан машарихьан… –
Лепйир хъаърайи хилар,
аьлхъюрайи ригъухьна.
Дурарин хатир ккибтиш,
Ригъди гиран апІуру.
Ва гьадмуган, хъял гъафиш,
кьюркълин цІийир йивуру.
Гьарйир ап1ура рангари
рукьурайси ригъухьна:
чвул гъубшну, йиф абхь, кІури,
чруб алди гъюз машкврариккна.
Уьрхюрхьа гьарди жвуван,
завунси, му ригъарра,
аркруси рангар машнан
инчІари, накьси гъира…