ВУЙИ ВАХТ ЧВЛИН
Кагъзар ади шулдайи,
Адрес кІвак ктарди дайи.
Ярхла рякъ аьгь апІуйи
Узхьан саб салам гъяйиз.
КІваин илмийиз, ккунир,
Яв цІа кайи тягьнийир.
Узхьанра бикІуз кагъаз
Шулдайи хабарсузди кІваз.
Артухъ вушлийи белки
Мюгьюббат, абхъу гьялки.
Дерд яваш дарапІур кагъзи
Ихь юкІвар сатІи дархьи.
КІвак аьхю гъалаб кади
КІураза гирамиди:
Бахт арайиз гъабхиб кьюрин
Вуйи вахт думуган чвулин.