Т1убач1еб рокьи

 
Г1адра т1егь кваназе кьег1ерги гурин
Кьер берцинаб гьурмал гьайбатлъиго щиб.
Зам-замулъ чвердезе  ицц Куллаб гьеч1ин
Ч1урканаб дур логол чергеслъиго щиб.

Х1алимго к1алъалел к1ут1бузул свери
Сабурго бицунеб берцинаб раг1и
Гьимун балагьулел намусал берал
Берал къанщанаг1ан цере рач1уна.

Кулласазул лъик1аб гьава - бакъалъищ
Дур гьумер квералъе    чалухълъи кьураб
Яги гъугъудулеб Къарал г1оралъул
Лъеца дур лъимадул куц ц1унун бугеб

Г1акълу бикьулелъул гьаб ракьалда т1ад
Т1оцебесеб кьерда йик1ун ятула
Аллагьас бот1рода т1ад кверги бахун
Дун асир гьавизе  абун йит1арай.

Щай бице гьардарав гьаб дунялалда
Гьадиг1ан хирияй г1адан йижарай.
Ялъуни   "Аллагьас  хъван бугин" абун
Г1умрудул сухъмахъал  цолъизарич1ел.

Дир цо анищ буго гьаб дунялалда
Хадусал маг1арухъ унеб мехалда
Куллаб  росулъ щведал цо х1охь бахизе
Ва дир йокьулелъул сипат бихьизе.
        (Автор этих слов мой друг Магомед)