Гьажлизе букьунте МикIхIентлис
Макка Мадинализе
Аллагьли гьуни абхьиб,
Лебил бусурмантаке
Гьаж баркьахъес хъарбаркьиб.
Ил хабар аргъибхIеле
УркIбера кIантIидакIиб,
ЗягIипте халкьла уркIбе
Аллагьла нурли дицIиб.
Нушала гьажликьуне
Гьажлизе хIядурбиуб,
ХIялалдешра сасиле
Аллагьлике хъарбяхъиб.
МикIхIила ванзалике
Аллагьли ряхIму баркьиб,
МикIхIила багьадурте
Гьажлизера батбихьиб.
Гьаж, гIумра даркьибхIеле,
Чула кеблара ахъиб.
Бунагь –хатIа агарле
Аллагьли амъубаркьиб.
Гьаж, гIумра дархьдаркьиле
Расуйчура гьаббакIиб.
ХIулбе забъан дисуле
ШафагIятра га баркьиб.
Нушалара саламте
Расуйчу детаахъиб,
Аллагьлизе булгуле
Хъули чарбухъес ахъиб.
МикIхIила гьажликьуне
Аллагьли дурхъабаркьиб.
Дагъиста улкализе
Дахъал гIилму кадухиб.
ГIибадат биркьухIеле
МалгIунте зигардукIиб,
ШейтIайс бариш хIебубле
Асарла вягIза биркьиб.
Ихди чарбухъунхIеле
Баракатли ши бицIиб.
Бархьил гьуни буцибхIе
Аллагьлира бархьаиб.
Аллагьли бархьаибхIе
Дунъялис биргIяхIебуб,
ГIяхIна гIямал баркьибхIе
Шира нурли шалабуб.
Фирдавс букIуй алжайзе
Аллагьли хьурабаркьаб.
Саби сабаб баркьиле
Ши шантера бархьбаркьаб.
МикIхIила гIялимтаке
Аллагьли ряхIму баркьаб.
Макка Мадинализе
Нушабра кьадарбаркьаб.