Горе матери

Фатима Эльмурзаева
Дав битген деп сююнеди юртдеги бар халкъ.
Тек пашман эди шо гюнлер бир янгыз Ана.
Пашман болмай ол не этсин, неден сююнсюн,
Давдан къайтмай къалгъан буса уьйню агьлюсю.

Агьлюсюнден де къайры уланыда оьлген.
Берлинге етишгенде тийген огъар гюлле.
Душман уруп алгъан яшыны жанын
Ойламайлы тав юртдеги ону анасын.

Анасы буса сююнеди балам къайтар деп.
Дав битгенде той этермен шу бир балама деп.
Тек ойлары яшавгъа чыкъмайлы къалды.
Яп янгыз бу дюньяда бир ана къалды.

Тилеймен, сизге, адамлар, магъа тынглагъыз!
Бизин азиз дюньябызны давдан якълагъыз!
Оьлтюрмей бир биревню парахат яшайыкъ!
Гьалал кюйде этильген ашны ашайыкъ!

Тарыкъ тюгюль дюньяларда бизге бирде дав!
Яшасын дюньябыз булан насипли яшав!