МучIу гъабшиган завариъ,
Ц1а алиси убгура хяд.
Гьаз – вуш хяд, йиз абхъру фикриъ,
Хияларин уьлюпну гъяд.
Акв туври а ярхла хядру,
Элебгнайи мучIушнахъди,
Гьаъра узухьна аквнахьди
Фикрар, юкIв бегьем назук шлу…
Ухьуз кьюридиз туву бахт,
Элебгнийи кьисматнахъди.
Хъа ац1рин инсан бахтнахьди,
Гъубшиган уьмрин жигьил вахт?
Ат1абгнайи йишвди ярхи,
Хядран акв, му йиз унчIвариъ.
Хабарсузди гъабхьи амси…
Хяд му имдайкIан завариъ?
Йиз кIван аку хияларин,
Сурат му яв дюбхну айи,
Умуд ка, цIа кабхьруш кIури,
КутIушвнайи яв улариъ…