Рик1ин дустар гзаф я ваз,
К1андай к1валах инсаф я ваз.
Дагъни дере вуч кIанда ваз,
Гьуьрметлу Сажидин буба!
Вун чи ч1ихи са шаир я,
Ви гьар шиир са магьиз я.
Чи лезгийриз вун загьир я,
Гьуьрметлу Сажидин буба!
Гьахъ яз рахун ваз к1ан жеда,
Таб к1валахар дак1ан жеда.
Дережайриз кьакьан жеда,
Гьуьрметлу Сажидин буба!
Кхьин тавур са ч1ал авач,
Ваз акъваздай мажал авач.
Заз лугьуда мад гаф амач,
Гьуьрметлу Сажидин буба!
Гафар гуьзел, к1елиз ширин,
Гьар са шиир я ви дерин.
Тахьуй уьмуьр гьич ви серин,
Гьуьрметлу Сажидин буба!