ТЫЛАНДА ПОЛЕКЛЕМ
Шергакан шужарем, удыр-шамыч,
Шум саламым колтем тыланда.
Серышем сералтем мундыр вер гыч,
Курымлан мый улам пеленда.
Ўдыр-шамыч, те умылыза иктым:
Рвезе жап огеш тол кок гана,
Ужатен улыда гын салтакым,
Тек лиеш пелен ушанда.
Ужаталза, вучалза салтакым,
Вет салтак сылне шошым конда.
Кок ий жапысе телым чыталын,
Тыланда шум пиалжым темла.
Южгунам, неле жап лийме годым,
Те муралтыза мыйын мурем.
Чыла лийын кертеш рвезе годым,
Но салтак нимат ок керт монден.
Шергакан шужарем, удыр-шамыч,
Тек лиеш курымаш пиалда.
Ужаталза, вучалза салтакым,
Вет салтак шум пиалым конда.
1979 ий.