Тав башларда къой къозуну отлатып,
Таза гьава генг авлакъдан аламан.
Юрегимни аямайлын бозлатып,
Сагъа гёзел гьашыкъ сёзлер язаман.
Кёк кёкюрей, янгур ява токътамай,
Оьзен сувдай агъа гёзьяш бошамай.
Азиз досум жаным мени къыстамай,
Ярамайму бизге бирче яшама?
Булакъ сувдай мени сюювюм таза,
Гьашыкъ юрек шиърулар сагъа яза.
Гюл чечекдей гёзелликден янасан,
Зувап болур яш юрегим аясанг!!!