Бу гезикде аламан мен къомузум,
Ата юртгъа макътав сарын айтмагъа.
Магъа таныш юртлу халкъны намусу,
Оьзденликни мен олардан алгъанман.
Туменлимен! Юрегим Туменлерде,
Туменлени жаным йимик сюемен.
Хапарсыздан юртума талчыкъ тюшсе,
Юрегиме от тюшгендей гюемен.
Ахшам вакъти ичинден Туменлени,
Къыдырсам къуванч ала яш юрегим.
Генг авлагъы таза гьава аламан,
Туменлени эсгерип шат боламан.
_________________________________________
Ата юртну орманлары къуванчы яш юрекни,
Оьгюзъемиш,чум, ябушгъан ашап тойма болмасдай.
Бу берекет, орман емиш, савгъаты гьар терекни,
Топуракъны ниъматындан насип гёрмей къалмасдай!!!