Ахырынчы сёзюнгню

Адилгерей Минатуллаев
Айт аявлум ахырынчы сёзюнгню,
Гёрмежекмен дагъы сени юзюнгню.
Сюювюнгню даимликге сёндюрюп,
Яш юрекге уллу къыйын къопдуруп.


Сёзюнг сени ачытдыра юрекни,
Унутгъансан яш жаныма герекни.
Сёндюресен досум сююв чыракъны,
Къоюп мени жанынг излей йыракъны.


Гетдинг досум къоюп мени оьзюнгде,
Булакъ сувдай агъып гетген оьзенден.
Унутмагъа къыйын энни яшнагъан,
Гёзел досун яшавуна байлангъан.