Язма сюйсем къуванч да бар къайгъы да,
Сен саялы увлар ютдум агъу да.
Амма сюймен гёзел сенден оьзгени,
Сенсиз нечик оьтгерейим гюнлени.
Тюшлерим де гёрюнесен гёзюме,
Гьашыкълыкъдан аврув тапдым оьзюме.
Юрегимни сав этмежек дарманлар,
Пуршав этди арабызгъа хабарлар.
_______________________________
Шонча гючлю сюйген, айрылды юреклер,
Язбаш да бюрлене емишли тереклер.
Заманны оьтгердик яшавну яйнатмай,
Сюювню емишин, насипни яшнатмай.