Гёзлерим тиклене-тиклене ёлгъа,
Суратын баламны алгъанман къолгъа.
Гёзлеймен гёрюшер гюнлени гьаман,
Атангдан сен айры тургъанынг таман.
Къолум да суратынг – юрек де оьзюнг,
Гёзюме тиклене суратдан гёзюнг.
Сагъа сёйлейгендей сёйлеймен нече,
Суратынг сырдашым гьар гюн, гьар гече.
Тёр тамгъа илгенмен суратынг сени,
Бир сама гел къызым яныма мени.
Сёйлейим гьалынгны-гюнюнгню сорап,
Сен болсанг янымда къайтажакъ жавап.