Насип гёрюп, сююв къуршап, къызардашым аявлу,
Узат даим яшавунгну досунг булан байлавлу.
Чечек бавну гюлю болгъур сюйгенинге уртлама,
Сёзлеримни багъышлайман шатлы гюнюнг къутлама.
Йыллар гете оьзен сувдай бизге энни сорамай,
Яшав ёлну сайламагъа адашмагъа ярамай.
Сююв къуршап юрегигиз чечекленсин ёлугъуз,
Табиатны ниъматыдай татывлу уьй къуругъуз.
Чечек ачгъан бав терекдей насип яшнат уьюнге,
Ярыкъ яйып ожагъынга гюнеш болгъур сюювге.
Насип, савлукъ, узакъ оьмюр къызардашым Фатима,
Сёзлер етмей юрек толгъан ёравланы ёрама.