Ачыкъ кёкге къара булут жыйылып,
Гёзьяш болуп йылы янгурун тёкдю.
Йылавларым тамагъыма тыгъылып,
Сен гечинип, къыйынынг неге гёрдюм?
Гёзьяш агъа, юрек бозлай излеймен,
Инанмайман, гележегинг гёзлеймен.
Малайиклер учуп етип янынга,
Женнетлени къысмат этсин жанынга.
Тазалыгъы, адамлыгъы инсанны,
Гюнеш яйгъан шавла уьйню тёрюнде.
Гечингенли кёп сюеген къардашым,
Тюшлеримде пашман юзю гёрюне.