О Аллагьым гюнагьларым кёпдюр сени алдынгда,
Къабул эт деп женнетлени тилемеймен жаныма.
Атамны да инимни де арек эт от ялындан,
Бу дюньяда сёнмежекдей от салгъансан саныма.
Табиатны ниъматыдай бу яшавну татыву,
Бу дюньядан гетгенлени тар къабурду ятыву.
Къыйнай ойлар юрегимни уллу шиша къаладай,
Женнетлер де болугъуз сиз сыйлы ата баладай.
Яратгъанны гючю кёпдюр жан салып жан алардай,
Азиз атам чакъсыз гетдинг даим эсде къалардай .
Билдирмединг бизге атам аврумадынг ятмадынг,
Савбол этме, етгинче биз, неге атам къалмадынг.