Сел, кьилелди ч1угвазва на,
Цав ийиз туьхуьр,
Инсаф тийиз гатазва на
Рагал алай хуьр.
Кьунвани рагъ? Кьунвани варз?
Агакьнани йиф:
Кьудпад мич1и, чил-цав такваз,
Гьалч1на агъур циф.
Гагь-гагь вилиз куьк1уьрда на
Лацу, михьи чарх,
Къурху кутаз, луьк1уьрда на
Экъис хьанвай дагъ.
Куьчеяр ци эвягъзава -
Рагъул я гьикьван!
К1валин цла эцягъзава
Хуьле гъайи къван.
Мус куьтягь хьуй и ви дуван,
Гьак1ани къайи:
Зегьле физва ц1ийи сусан
Арандай гъайи.