на белорусском языке
Кожны дзень у вернасці клянуся –
Я – табе, бацькоўскі родны кут,
Любая часцінка Беларусі,
І жыццё, і радасць мае – тут!
Тут – ярчэй гараць на небе зоркі,
І вяселка зіхаціць ярчэй,
Самыя цікавыя вячоркі,
Больш нідзе няма такіх людзей!
Зноў і зноў у каханні я прызнаюся –
Весачцы, дзе ўсе мне так знаёма,
А з любых дарог заўжды вяртаюся –
Да парогу бацькавага дому!
Кожную хвіліну лашчыць вока –
Елачак, бярозак стромкіх рад,
І гняздо буслоў непадалёку –
Радуе і сэрца, і пагляд.
Радуюць душу ў садзе кветкі,
І язміну водар, пах густы,
Ад рамонкаў белыя палеткі…
Край бацькоўскі светлы і святы!
фото автора