Гёзлеримни тиклендирдим мен ёлгъа,
Гитарамны алдым аявлап къолгъа.
Сарынымны йырламагъа къатдырып,
Юрекдеги къайгъыларым акъдырып.
Сюйген эдим тунукъ гюзде мен сени,
Тогъас салдынг насибиме сен мени.
Арив юзлю, сюйкюм къашлы – гёзел къыз,
Юрегиме салдынг мени терен гьыз.
Эсден таймай биз йиберген гечелер,
Экибизде олтуруп сыр чечеген.
Йыракъдасан юрегим сагъа тарта,
Гюн саялы сюювюм мени арта.
Башгъа булан яшав къурдум янаша,
Тузсуз ашдай сюювсюз уьй яраша.
Сени гёрсем эки гёзюм къамаша,
Аллагь язгъан бу языв да тамаша.