Сююв йырлар язма учун инсангъа,
Сюйме герек юрегинден инг башлап.
Сююв къуршап къучакъ яйгъан сонг сангъа,
Намус, ягьны къоймагъа тюшмей ташлап.
Гьар адамгъа гелип къала усталыкъ ,
Сююв сесин язма билсе юрекден.
Не этсе де пайдасы ёкъ гьашыкълыкъ,
Сангыравну сююв гьиси арекде.
Иман болса гьар кимни юрегинде,
Бир-бирине абур этер, сый этер.
Сююв гьисни англаса теренинден,
Аллагь тюзлеп, сюйген досуна етер.
Гёзеллер де арив бола дюньяда,
Оьктем болуп олар оьзюн сакъласа.
Юрегинде сююв гючлю янса да,
Бу дюньяда эдеп ягьын якъласа