Пара вахт э бав андай,
Зе йиркlв лап пашманди а.
Йархе йагъди бав дагвай,
Улер булахар вей а.
Зас хlуй а вун хъадагваф,
Хулан ракк ахъудураф...
Духтирар пара хьунай,
Ве жандис чара хьундай.
Аллахьти вун файшуне
Ми зун сатти илгуне...
Бав андай йатум хьуне,
Гьел зе херар керхьуне.
Агучи ухшарин кас,
Зе йиркl тегlди лихай а.
Кандайва багулив хьас
Хиларис павар акъас...
Зун ваш ухlу цlантук ий,
Гьел къурахи рукьай а...
Вун завун къизил рагъ ий!
Зун мекlела угай а...
Бав пуна тур алейдеф,
Зурба кас дуйил хьуф э.
Баван хlурмет ихьундеф,
Къаргъишари ярхьуф э.
Гьел варийс э зе васи,
Баварис гиран дакьас.
Зун дугlайар акъаси-
Бавас джаннат насиб хьас!