Зулун йифиз хупl алахьай варз алай
Зи малаик зи машинда захъ галай.
Чими шагьвар къугъвазавай куьчейра,
Йифен цlикьвед. Кас амачир магьлейра.
Зи машинда накъвар алаз кьве вилел
К1ани ярди кьил эцигна зи къуьнел.
Вичин чими гъиливди зи гъил кьуна
Явашдаказ гъил хурудив чlугуна.
К1ани рушахъ галаз хьайи секиндиз
Са кьадар чlав фена хьи лап йигиндиз.
Вилера пак кlанивилин нур аваз
Кlвализ хъфиз гьазур хьанвай руша заз:
"Зат1 амани зи рик1елай алатай,
На теменар заз гудайла аватай?".
"Эхь" -лагьана за чиник кваз серинвал,
Рикlяй гьиссиз муьгьуьббатдин деринвал.
"Вуч я, вуч я алатайди рик1елай
Элкъведани зун бубадин варцlелай"-
Лугьуз рушай к1еви гьарай акъатна,
Зи машиндив ам мад сефер агатна.
Рикlе аваз накъварин гьуьл,гъам, суза,
Ихьтин жаваб кlани ярдиз гана за:
Ви рик1елай алатна,яр, амукьиз
Зи машинда зи гъил кьуна ацукьиз...