Я сен билесинъми, ана?!
Нечюн меним гонълюм яна?
Нечюн танъда къушлар оте?
Ненен аджджы алдав бите?
Я сен билесинъми, ана?
Нечюн бу булутлар къача?
Нечюн тышта ягъмур агълай?
Нени кузь мевсими анълай?!
Нечюн сувукъ еллер эсе?
Несилимиз насыл осе?
Нечюн солгъан къызыл гуллер?
Нечюн сувсыз къалгъан голлер?
Бу шеэрде сёнген кунеш,
Бу яшайыш — аджджы куреш.
Бу адамда къара гонъюль,
Бу юректе ольген умют.
Шунынъ ичюн солгъан гуллер,
Язда сувсыз къалгъан голлер.
Шунынъ ичюн сувукъ еллер,
Чокътан бошап къалгъан чёллер.
Онынъ ичюн ойле, анам!
Шу себептен бойле янам.
Онынъ ичюн коклер агълай,
Оны гъамлы ягъмур анълай.
Майыс, 2004 с.