(Эльвина Бибишева ичюн язылгъан йыр)
Къара геджелер, кокте инджилер,
Назик эллерге олар тёкюлер,
Мас-мавы денъиз ве сыджакъ къумлар,
Ерине кельген, гизли арзулар.
Юрегим ойнай, яш къаным къайнай,
Къысметим янъы авыны башлай.
Шенъ ве мот йырлар, кокте йылдызлар,
Башым айлана бу яздан, къызлар.
Багълама:
Корьдим сени бирден,
Юрегим учты ерден,
Тутулдым мен севгиге,
Янаджам кёр (шу) алевде.
Олсун (бу) севги – оюн,
Олсун яз бизлер ичюн,
Ашкъымдан ирир бузлар,
Гуль киби ачтым, къызлар.
(мен бахтлы олдым, къызлар)
Къара геджелер, атешли еллер,
Шаркъ алемине яз алып кете.
Энъ татлы сёзлер, айнеджи козьлер,
Къувана дюнья ве куле юзьлер.
Юрегим ойнай, яш къаным къайнай,
Къысметим янъы авыны башлай.
Шенъ ве мот йырлар, кокте йылдызлар,
Башым айлана бу яздан къызлар.
Багълама.
Апрель 19, 2017 с.