(Эльвина Бибишева ичюн язылгъан йыр)
Эр ана ичюн бала –
Энъ азиз ве энъ парлакъ йылдыз.
Ана юреги ичюн
Бунъа ошагъан севги олмаз.
Дюньяда бутюн йырлар,
Муджизе ве масаллар санъа,
Юзюнъ эр даим кульсинъ, -
Эм севги иле бакъсынъ манъа.
Багълама:
Мелегим, огълум меним
Къучакъларым дертлерден сени.
Бир данем, татлым меним
Джанымдан да пек севем сени
Юрегим, огълум меним
Омюринъ къуванч иле толсун.
Алтыным, бахтым меним
Ёлларынъ ачыкъ ве шенъ олсун!
Эр ана ичюн бала –
Энъ якъын ве къыйметли адам.
Онынъ дуасы эр кунь
Къорчалар, сакълар белялардан.
Дюньяда бутюн йырлар,
Йылдызлар, сейярелер санъа.
Тебессюм иле бакъсанъ, -
Энъ буюк бахшыш, байрам манъа.
Багълама.
Сентябрь 18, 2017 с.