Мне чорны хлебчык з сырой вадзіцай
Калі-ніколі ды ноччу сніцца.
Хай не гаротным было дзяцінства,
Але ўспрымаю я іх адзінства.
...Матуля рана нас падымала
Пакуль і сонейка не ўставала.
Кароў на выпас мы з браткам гналі
Пры тым «зсабойку» бацькі давалі.
А чым была яна так багата
«Зсабойка» тая ад мамы й таты?
Вядома ж сальцам, каўбаскай, бульбай
Ды чорным хлебам, вадой са студні.
З тым менавіта мой смак дзяцінства
У скібцы хлеба з сырой вадзіцай.