Къугъвазва варз чуьлдин винел
Гарухъ галаз,чуьнуьх жез,
Кьец1ил тан хьиз аквазва цав
Бижгъеррикай циферин.
Бирдан т1улал авахьна юргъ,
Беледсуз яз, гьуьлуьхъ шез -
Рехъ алатай лепе ят1а
Ранг алай ви вилерин?
Ви шадвили, ви сирери
Са зи рик1е турай гел,
Жагъизвачт1а вакай ц1арар,
Сефил жемир, к1аниди:
Куьз пайда за ви к1анивал-
Ам рагъ туш, я гатун сел -
Куьз виш меци кьада ви т1вар?
Вун зиди я, са зиди.