Чи такабур лекь Сулейман Керимоваз!
Францияда кьунва чи лекь пехъери,
Лекьрез куьмек гана кlанда лекьери.
Ша,хуьн чна чи арада пак садвал.
Лекьрез даим кlанда яд хьиз азадвал!
Чуьнуьх тежен кьефесдавай кьифер хьиз,
Чаз хас кар туш, яшамиш хьун лифер хьиз.
Эй,Сулейман,ви далудихъ гала чун,
Гьикl куьмекин лугьуз рекьел ала чун.
Етим хьанва на чарх ягъай дагълар чи,
Къвез пехъери чукlурзава мукар чи.
Лугьуз тежер ажугъ ава рикlера,
Вун гьикl гьатнай а угърашрин гъилера?!