Ац1уй ви к1вал дуьнядин мал-жамалдив,
Буржлу туш вун са юкъузни алатай.
Агакьна мад зунни яшдин камалдив,
Зи чан кьий хьи, рик1елни вун алат1а!
Зи чан кьирай, эгер ви хъвер хуьзват1а,
Гумат1а ам рик1ин багьа хиял яз,
Вун аквадай куьчейрай зун физват1а -
А хаинвал ийич вуна гьалал заз.
Зи чан кьирай, ат1узват1а чинин ранг,
Ви т1вар япухъ галукьайла хатадай,
Гьар сефердиз, дап1арда тваз жуван рак,
Физват1а, вун аманатна Худадал.
Зи чан кьирай, а ашкъидихъ шедай жал,
Гелни галаз алатуй вич - са пар тир...
Зи чаради, ви пел серин жедай жал
Кьин галукьна, зи чан кайи хабардик?