Каспий денгиз етдим менде сырым сагъа чечмеге,
Толкъунларынг оьрге чююп тиклендим бир чечекге.
Толкъунланы арасына, ким чечекни ташлагъан,
Языкъсына яш юрегим, эки гёзюм яшлана.
Алгъасады яш юрегим, чечекни къолгъа алма,
Гьалы битген гюл чечекни, гючю ёкъ тиниш алма.
Гёнгю сёнген, умут узгъан дагъы ярыкъны гёрме,
Гёзю ярыкъ гёрсюн ону, башладым кёмек этме.
"Аллагь бизге яшав берген, узмажакъ ону йибин"
Къулагъыма тавуш етди: "Гёзьяшларынгны сибир".
Эм жанына сепген бармы, чечек гёзлерин ача,
Насип къуршай яш жанымны, атир ийисин чача.